8.flokkur lenti í öðru sæti eftir að hafa unnið tvo leiki og tapa tveimur leikjum á móti á flúðum um helgina.

Fyrsti leikurinn var á móti geysisterku liði Snæfells á laugardag.

Snæfellingar settu niður átt þrista af átta tilraunum og í fyrsta leikhluta og gerði þetta nánast út um leikinn. Strákarnir okkar náðu að minnka muninn niður í 8 stig en komust aldrei nær. Endaði leikurinn 79-59 fyrir Snæfell. Aron 40, Sigurður Grétar 12, Sölvi 5 og Ólafur 2

Annar leikurinn var á móti Þór Akureyri.

Strákarnir spiluðu góðan bolta og unnu alla fjóra leikhlutana. Góður sigur okkar manna 66-52. Sigurður Grétar 35, Aron 27 og Sölvi 4.

Þriðji leikurinn var á móti UMFH/Heklu á sunnudag.

UMFH/Hekla byrjuðu vel og voru yfir eftir fyrsta leikhluta. Þeir héldu þeirri forystu fram að hálfleik. Í seinni hálfleik hrukku okkar menn í gang og skiluðu góðum sigri 57-46. Aron 31 og Sigurður Grétar 26.

Fjórði og síðasti leikurinn var á móti Val.

Þreyttir og áhugalausir ÍBV menn spiluðu afar illa í fyrsta hálfleik. Staðan var 32-14 fyrir Val. Þá eins og oft áður hrukku okkar menn í gang í seinni hálfleik og unnu þriðja leikhluta 9-26 og minnkuðu muninn niður í 41-40. Í fjórða leikhluta komumst við yfir 43-46 en eftir það sagði þreytan og villuvandræði til sín og Valur seig hægt og rólega framúr og unnu góðan sigur 65-57. Sigurður Grétar 30 og Aron 27.