Það var ekki fyrr en undir lok 1.leikhluta  að okkar menn sigu aðeins fram úr og náðu 21-15 forystu. 2.leikhluti byrjaði sterkt með 6 stigum strax í byrjun og staðan því orðin 27-15. ÍBV slakaði ekkert á og náði með góðri baráttu að leiða í hálfleik 45-28. Í seinni hálfleik var það sama upp á teningnum, peyjarnir okkar héldu góðri forystu og munaði 23 stigum 59-36 í lok 3.leikhluta. Þessi munur leyfði þjálfaranum að nota flesta sína leikmenn og náðu allir þeir sem stigu inn á völlinn að skora. Það kom smá hikst í leik ÍBV í 4.leikhluta en sigurinn var aldrei í hættu og endaði leikurinn 77-58.

Hlynur heldur áfram að standa sig vel og greinilegt að hann er búinn að leggja mikla vinnu við að bæta sig í vetur. Sigurjón kom mjög sterkur inn og er þetta með hans betri leikjum. Siggi og Heiðar eru líka að sýna góða takta á vellinum og er mjög gaman að horfa á þá spila. Frábært að sjá menn stíga upp og spila vel þar sem vantaði tvo máttarstólpa í liðið en þeir Daði og Þorvaldur komust ekki í þennan leik. Stuðningur áhorfenda er mikilvægur og gaman að sjá hve margir sáu sér fært að mæta og styðja í dag. Þökkum ykkur kærlega fyrir stuðninginn.

Leikmannahópur og stigaskor

Hlynur Andrésson 21 stig                                                                                                                                                                   

Sigurjón Lárusson 20 stig

Arnsteinn Jóhannesson 0 stig

Jón Magnússon 18 stig

Sigurður Benónýsson 3 stig

Smári Þorvaldsson 9 stig

Heiðar Ingimarsson 2 stig

Brynjar Ólafsson 2 stig

Guðgeir Clark 2 stig

Umfjöllun um leikinn hér á Eyjfréttir.is.

Mynd: Eyjafréttir.is