Foreldraráð yngri flokka skal skipað 2-3 foreldrum iðkenda úr hverjum flokk fyrir sig skv.eftirfarandi uppsetningu. Markmiðið er að gera það á fundi með þjálfara hvers flokks sem haldinn er í upphafi hvers tímabils þar sem farið er yfir áherslur vetrarins:

 

 

 

Hlutverk foreldraráðs er að efla tengsl milli yngri flokka félagsins og foreldra iðkenda og einnig að sjá um að halda félagslegri hlið yngri flokka á lofti. Með því skapast aukin tengsl og aukin vellíðan meðal iðkenda. Gott og kröftugt foreldraráð getur gert gæfumuninn í því að halda úti öflugu yngriflokkastarfi. Mikilvægt er að breiður hópur af fólki myndi foreldraráð þannig að verkefnin dreifist jafnt á alla.

 

Félagsleg hlutverk; að vinna með stjórn við að sjá um félagslega viðburði sem haldnir eru fyrir iðkendur á hverju tímabili.

 

Keppnir yngri flokka; Aðstoð við mótahöld yngri flokka félagsins. Foreldrar iðkenda í þeim flokki sem spilar mótið í hvert skipti gegnir aðalhlutverki en aðrir meðlimir foreldraráðs munu aðstoða eftir því sem mögulegt er. Þegar farið er í mót þarf að sjá til þess að amk eitt foreldri (helst tveir) sé með í för og sé þjálfara innan handar við að halda utan um leikmannahópinn og aðstoða við ýmis smáatriði á meðan á keppni stendur. Halda utan um matmálstíma og skipuleggja eyður í keppni Panta í Herjólf. Útvega farkost til að flytja leikmenn á staðinn, hvort sem er að einhverjir foreldrar taki sig saman um að keyra á einkabílum, eða að leigja rútu. Panta gistingu en heimalið sjá yfirleitt um gistingu fyrir leikmenn og aðstandendur ef þess er þörf.

 

Aðstoða stjórn og þjálfara við skipulagningu fjölliðamóta sem haldin eru í Eyjum. T.d. að sjá um sjoppu , uppsetningu og frágang á því sem þarf, gæsla og slíkt.

 

Fjáröflun; Ef áhugi er fyrir hendi til að hafa fjáröflun til að standa straum af kostnaði vegna ferðalaga,búninga eða annars, skal foreldraráð hvers flokks ásamt stjórn sjá um að skipuleggja og framkvæma það. Hægt er að gera þetta fyrir hvern flokk eða sameiginlega fyrir alla yngri flokkana. Vilji aðstandendur afla meiri tekna til að standa straum af keppnisferðum eða sérstaks viðburðar, eru margir möguleikar í boði varðandi fjáröflun.

 

Innheimta æfingagjalda; Æfingagjöld eru innheimt í gegnum banka með því að senda skráningarblöð til foreldra leikmanna í yngri flokkum. Foreldrum er gefinn kostur á að deila greiðslum niður á 2 tímabil. Æskilegt er að foreldarar í foreldraráði verði innan handar við að innheimta þau gjöld sem ekki greiðast fljótlega eftir að seðlar eru sendir út.